اعتذار الشاب السوداني صاحب القميص الكحلي الذي تتسبب في عدد من حالات الطلاق + صورة
اعتذار الشاب السوداني صاحب القميص الكحلي الذي تتسبب في عدد من حالات الطلاق + صورة

تسببت صورة شاب سوداني مفتول العضلات والتي إنتشرت على نطاق واسع في السوشال ميديا، في طلاق عدد مقدر من النساء وانفصال مخطوبين .

وتعود التفاصيل إلى بث إحدى الفتيات الي صـــــورة شاب مفتول العضلات وعلى قدر كبير من الوسامة في قروب نسائي شهير وكتبت على الصور (يا بنات أي وحده ترسل الصورة دي لراجلها أو خطيبها وتقول ليهو القميص ده لونو اسود ولا كحلي غامق ، عشان تشوف إذا بغير عليها ولا برد عادي ، وتجي تنزل لينا الاسكرين) لتنهال بعضها حالات الطلاق والانفصال على الفتيات .

وجاء اعتذار الشاب أحمد شلقامي عبر صفحته الشخصية بالفيس بوك قائلاً: (أول شي بحب اعتذر لكل من أتأذي أو أتضرر من صورتي .. مع انو أنا ما عندي أي ذنب ولا دخل في الموضوع من قريب ولا من بعيد …

كل الحصل انو أنا عندي حساب في فــــيـــســــبـــــوك زي أي شاب في السودان .. بنزل فيهو صوري الشخصية .. عادي زي كل الناس .. في بت أنا ما بعرفا منو شالت صورتي الشخصية ونزلتا في قروب من قروبات البنات)

وبدورة فقد قد ارْدَفَ قائلاً علي عهدة ما نقلت كوش نيوز: (طبعا بي طبع الرجل الشرقي والسوداني عموما مافي رجل برضي انو زوجته أو خطيبته تقارنو بي شخص آخر (حتي لو بالهظار أو المداعبة ) .. فكانت اغلب ردات الفعل قويه جدا ، وبالرغم من كده لقيت سكرينات لي كتير من الشتائم في حقي … من ناس ما بعرفهم أصلاً ، لكن بحب أقول ليكم أنا مسامحكم لله رب العالمين …

ونبه في ختام حديثه: (في الأخير انبه لي شئ بي صراحه ..انو نحن في السودان استخدامنا للسوشيال ميديا والفيس بوك خصوصا خاطئ بامتياز ) .

كما فقد اومأ إلى أن وسائل التواصل الاجتماعي تستخدم لكلي تقرب الأشخاص وتقوي العلاقات وتوطد المحبة والأخوة بينهم ولكن للأسف انه تم استخدامها بطرقة خاطئة ساهمت في خراب الكثير من البيوت بسبب الفتن والمشاكل ما اتعملت عشان المشاكل والفتن .

كما نبه: (يا ريت نوعي ونفكر في وضعنا و وضع بلدنا البتمر بي أزمات اقتصاديه خانقه وضائقه في شتي مجالات الحياه … ونفكر كيف نحن كشباب حنقدر نساعد نفسنا وأهلنا ومجتمعنا عشان نعبر من المحنه الفيها السودان ..العفو والعافية و بكرر أسفي .. ) .

الخرطوم (كوش نيوز)

المصدر : النيلين